البطاطا
تعتبر البطاطا الحلو من اهم مصادر الكاربوهيدرات ( النشويات ) الموجودة خصوصا انها complex -carb يعني ببساطة بطيئة الهضم او الامتصاص بمعنى انها بتعمل استقرار فى مستوى الانسولين فى الدم و تمد الجسم بالطاقة على فترات متفرقة، لذلك فمعظم الرياضيين يستخدمونها كمصدر للكاربوهيدرات فى وجبات قبل التمرين وبشكل عام حتى لو كنت في فترة التنشيف فلإنها لن تزيد من وزنك بلعكس ممكن تكون سناك مفيد جدا ليك بين وجباتك لان فيها نسبة الياف عالية ستساعدك على انك تحس بلشبع و هتحسن من عملية الهضم،
يحتوي كل 100 جم بطاطا على :-
- 90 سعر حرارى تقريبا- 20 جم كاربوهيدرات
-335 مليجرام بوتاسيوم
ومن أهم الفيتامينات الموجودة بها فيتامين ( B-6 ) المهم جدا للاعصاب و فيتامين (c) والحديد،
و فيتامين A وعنصر السلينيوم ومجموعة من مضادات الأكسدة مهمين جدا لمحاربة السرطان والمحافظة علي خلايا الجسم.
علشان تاخد القيمة الغذائية كاملة من البطاطا مهم جدا انها تتاكل بقشرها لانه بيحتوى علي معظم مضادات الاكسدة الى ذكرناها فوق 👆
كمان ليها دور مهم جدا فى تحسين حماية الجهاز الهضمى و كمان ليها تأثير ايجابى فى علاج قرحة المعدة والاثني عشر.
مفيش منها أي تأثير سلبى على مرضى (السكر) لأنها بتعمل تنظيم لمستوى السكر فى الدم بس المهم تتاكل بنسبة مش كبيرة ودا لأي نوع اكل مهما كان مفيد الزيادة منه اكيد هتسبب ضرر علشان كدا لو فى حصوات كلي او عرضة انك تصاب بيها لازم ماتاكلش منها بكميات كبيرة لانها بتحتوي على الاكسالات الى بتربط الكالسيوم والمعادن ببعض وبتسبب حصوات الكلي.
واخيرا البطاطا المسلوقة هتكون نسبة الكاربوهيدرات فيها اقل نسبيا عن البطاطا المشوية
نصيحة لو انت بتتمرن او عندك ماتش كورة قبل التمرين بساعتين خدلك من 200 ل 400 جم بطاطا حسب وزنك والمجهود الي هتبذلة
تعليقات
إرسال تعليق